സ്വാഗതസംഘയോഗം ചേര്ന്നു
ഓടക്കാലി: ഡിസംബര് 3 ലോക വികലാംഗദിനത്തോടനുബന്ധിച്ച് സര്വ്വ ശിക്ഷാ അഭിയാന് കൂവപ്പടി ബ്ലോക്ക് റിസോഴ്സ് സെന്ററിന്റെ നേതൃത്വത്തില് അശമന്നൂര്, രായമംഗലം, വേങ്ങൂര്, മുടക്കുഴ പഞ്ചായത്തുകളിലെ പ്രത്യേക പരിഗണനയര്ഹിക്കുന്ന കുട്ടികളെ ഉള്പ്പെടുത്തിക്കൊണ്ട് പെരുമ്പാവൂര് നാഗഞ്ചേരി മനയില് ലോകവികലാംഗ ദിനാഘോഷം സംഘടിപ്പിക്കുന്നു. ദിനാചരണത്തിന്റെ സംഘാടനവുമായി ബന്ധപ്പെട്ടുള്ള സ്വാഗതസംഘയോഗം കൂവപ്പടി ബി.ആര്.സിയില് വച്ച് ചേര്ന്നു. അശമന്നൂര് പഞ്ചായത്ത് പ്രസിഡന്റ് ശ്രീ.എന്.എം.സലിം അധ്യക്ഷത വഹിച്ച യോഗത്തില് വേങ്ങൂര് പഞ്ചായത്ത് പ്രസിഡന്റ് എം.എ.ഷാജി, രായമംഗലം പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് ശ്രീമതി.എല്സി പോള്, ബ്ലോക്ക് പ്രോഗ്രാം ഓഫീസര് ജ്യോതിഷ്.പി എന്നിവര് സംസാരിച്ചു. ജനപ്രതിനിധികള്, ബി ആര് സി സ്റ്റാഫംഗങ്ങള് എന്നിവര് പങ്കെടുത്തു. ദിനാഘോഷത്തോടനുബന്ധിച്ച് കുട്ടികളുടെ കലാ-കായിക മത്സരങ്ങള്, മാജിക് ഷോ, ഗാനമേള, പ്രതിഭകളെ ആദരിക്കല് എന്നിവ ഉണ്ടാകും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ