കാര്ഷിക സമൃദ്ധി പദ്ധതി - വിളവെടുപ്പ് മഹോത്സവം നടത്തി
ഓടക്കാലി : സര്വ്വ ശിക്ഷാ അഭിയാന് കൂവപ്പടി ബ്ലോക്ക് റിസോഴ്സ് സെന്ററിന്റെ ആഭിമുഖ്യത്തില് കാര്ഷിക സമൃദ്ധി പദ്ധതിയുടെ ഭാഗമായി ബി.ആര്.സി അങ്കണത്തില് നട്ട ജൈവപച്ചക്കറി തോട്ടത്തില് വിളവെടുപ്പ് മഹോത്സവം നടത്തി. വിളവെടുപ്പിന്റെ ഉദ്ഘാടനം ഡയറ്റ് പ്രിന്സിപ്പല് ബി.നന്ദകുമാര്, എസ്.എസ്.എ ജില്ലാ പ്രോഗ്രാം ഓഫീസര് ജോസ്ഫെറ്റ് ജേക്കബ് എന്നിവര് ചേര്ന്ന് നിര്വ്വഹിച്ചു. ഓടക്കാലി ഹയര്സെക്കന്ററി സ്കൂളിലെ കുട്ടികളുടെ ഉച്ചഭക്ഷണത്തിനായി വിഷരഹിത പച്ചക്കറി ലഭ്യമാക്കുക എന്ന ഉദ്ദ്യേശത്തോടെ അശമന്നൂര് കൃഷിവകുപ്പുമായി സഹകരിച്ചാണ് ജൈവപച്ചക്കറിത്തോട്ടം ബി.ആര്.സിയില് ആരംഭിച്ചത്. ഓടക്കാലി സ്കൂളിലെ ഹരിത ക്ലബ്ബ് വിദ്യാര്ത്ഥികളും അധ്യാപകരും ബി.ആര്.സി പ്രതിനിധികളും ചേര്ന്നാണ് പയര്, വെണ്ട തുടങ്ങിയ വിവിധ പച്ചക്കറികളുടെ വിളവെടുപ്പ് നടത്തിയത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ